Of Monsters and Men í Opna breska

Opna breska meistaramótið í golfi hófst í morgun á Royal Lytham & St. Annes í Englandi. Aðstæður eru allar hinar bestu og eru margir kylfingar að leika vel. Tiger Woods, Bubba Watson, Graeme McDowell og Adam Scott eru á meðal þeirra sem hafa byrjað vel í dag.

Íslenska hljómsveitin Of Monsters and Men er óvæntur þátttakandi í Opna breska í ár. Í útsendingu BBC frá mótinu hefur lag sveitarinnar, Little Talks, hljómað undir þegar sýnd er samantekt frá hringnum. Íslendingar eiga því sinn þátttakanda á Opna breska í ár.