Nýbakaðar slysavarnakleinur í Garði
– verða að steikja kleinur fram á kvöld og selja jafnóðum
Ein af stóru fjáröflunum Slysavarnadeildarinnar Unu í Garð er árleg kleinusala. Þessa stundina er verið að steikja kleinur í þúsundavís í aðstöðu deildarinnar í Þorsteinsbúð í Garði.
Á fésbókarsíðu Unu í Garði má sjá að slysavarnadeildarkonur verði fram á kvöld að steikja kleinur í björgunarstöðinni í Garði og að Garðbúar og nærsveitamenn séu velkomnir á staðinn til að kaupa nýbakar kleinur til að hafa með kaffinu eða ískaldri mjólk.
Meðfylgjandi kleinumyndir fylgdu með fésbókarfærslu slysavarnakvenna.
