Notalegt í nóvember í Eldey
– Opið hús í Eldey frumkvöðlasetri 13. nóvember
Það verður notalegt í nóvember í Eldey frumkvöðlasetri en þá verður opið hús hjá hönnuðum og frumkvöðlum í húsinu.
Fyrsta kvöldið hefst fimmtudaginn 13. nóvember kl. 20:00 en þá verður boðið upp á pop-up markað fjölda hönnuða af svæðinu, vinnustofur hönnuða og frumkvöðla verða opnar og fiskland býður upp á nýstárlegar kræsingar auk þess sem boðið verður upp á léttar veitingar. Hljómsveitin Klassart sem nýverið gaf út nýtt efni leikur ljúfa tóna á staðnum og ljósmyndastofan Ozzo býður myndatöku á vinnustofu sinni með jólaívafi.
