Náttúran í Eldvörpum

Náttúran í Eldvörpum á Reykjanesi  er kynngimögnuð í samspili sólarljóss og jarðgufu eins og þessi mynd Ellerts Grétarssonar ber með sér. Eldvörp er merkileg,  5 km löng gígaröð um 4 km suðvestan við Bláa lónið og Svartsengi og myndaðist í Reykjanes-eldum á 13. öld.

Talsverður jarðhiti er í einum gosgígnum og rýkur upp úr hrauninu í kringum hann svo halda mætti að þarna hafi jarðeldar geysað nýlega.  Til stendur að virkja jarðvarmann á þessu svæði.
 

Ljósmynd/Elg