Næst síðasta Reykjanesganga sumarsins í kvöld

Næstsíðasta gönguferð Reykjanesgönguferð sumarsins verður farin í dag miðvikudaginn 29. júlí kl 19:00.  Leiðsögn í gönguferðinni er í höndum Rannveigar Garðarsdóttur og er í boði Bláa Lónsins, HS veitna og HS Orku

 

Gengið verður frá Siglubergshálsi (í Festarfjalli ofan Grindavíkur) upp á hæsta punkt Fiskidalsfjalls 195m. Einnig verður gengið yfir Húsafell sem er 172m á hæð.

Félagar úr Björgunarsveitinni Þorbirni í Grindavík verða gestir í gönguferðinni og segja frá björgunarafrekum og sögu Björgunarsveitarinnar.

Gangan tekur 2 – 3 klst og hefur erfiðleikastigið tvær stjörnur.