Myndir af hjóladegi á Gimli

Nýtt myndasafn er komið á vef Víkurfrétta og þar má sjá leikskólabörn spóka sig í sólinni á hinum árlega hjóladegi Gimlis.

Lögreglan kom í heimsókn og athugaði með að hjálmar sætu rétt á höfði barnanna en ekki voru allir á hjólum eins og myndirnar bera með sér. Börnin komu með hin ýmsu farartæki. Flest með hjól, en þó mátti sjá hlaupahjól, dúkkuvagna og traktor.