Myndband: Körfuboltafólk syngur á táknmáli
„Ég er kominn heim“ í skemmtilegum búningi
KKÍ og Félag heyrnarlausra unnu saman að myndbandi við lagið „Ég er kominn heim“ með Óðni Valdimarssyni en hugmyndin að verkefninu kom frá Keflvíkingnum Björgu Hafsteinsdóttur, fyrrum landsliðskonu Íslands.
Hulda Halldórsdóttir syngur lagið á táknmáli ásamt leikmönnum úr A-landsliði karla og kvenna, þeim Auði Írisi Ólafsdóttur, Bryndísi Guðmundsdóttur, Helenu Sverrisdóttur, Pálínu Gunnlaugsdóttur, Hauki Helga Pálsyni, Ragnari Natanaelsyni og Ægi Þór Steinarsyni sem öll stóðu þau sig frábærlega eins og þeim er einum lagið.
