Mínímalískur lífsstíll í Bókasafni Reykjanesbæjar

Áslaug Guðrúnardóttir, höfundur bókarinnar Mínímalískur lífsstíll kynnir bókina í Bókasafni Reykjanesbæjar, miðvikudaginn 27. apríl næstkomandi klukkan 19:30. Bókin kom út í fyrra og hefur notið mikilla vinsælda. Áslaug veitir innsýn í þessa vinsælu hugmyndafræði og segir skemmtilegar og persónulegar sögur af reynslu sinni af hinum mínímalíska lífsstíl.



Hinn mínímalíski lífsstíll breiðist hratt út um hinn vestræna heim. Samkvæmt honum á maður aðeins að eiga það sem maður nýtur þess að eiga eða þarf á að halda. Er heimilið og kannski lífið sjálft fullt af alls kyns hlutum og athöfnum sem engu bæta við lífsgæðin? Taki maður til í lífi sínu, og losi sig við ýmiss konar óþarfa, verður til pláss fyrir meira af því sem maður vill raunverulega hafa. Enginn aðgangseyrir og allir eru hjartanlega velkomnir.