Mikil ánægja með tónleika Alexöndru Chernishovu

Sópransöngkonan Alexandra Chernyshova hélt tónleika í Innri-Njarðvíkurkirkju í gær. Gróa Hreinsdóttir, píanó- og orgelleikari, lék undir og Hilmar Jónsson var kynnir. Tónleikarnir voru í boði Samkaupa og var enginn aðgangseyrir.

Á efnisskránni að þessu sinni var mikið af kirkjutónlist frá 20. öldinni og þekkt verk úr óperum og óperettum, m.a. eftir Lehár - Vilja Leid (Káta ekkjan), Rachmaninov - Vocalise og Bellini - Malinconia, Ninfa gentile.

Bekkirnir voru þéttsetnir og var augljóst að viðstaddir voru hrifnir af flutningi þessarar frábæru söngkonu. Henni var fagnað með dynjandi lófataki eftir hvert lag.