Mikið fjör á fyrsta kvöldi Ljósanætur

Talsvert fjölmenni var í miðbæ Reykjanesbæjar í gærkvöldi en þá fór dagskrá Ljósanætur formlega af stað. Það hefur færst talsvert í aukana að fólk bregði sér af bæ á fimmtudagskvöldum og skoði menninguna og mannlífið. Veðrið var heldur ekki að skemma fyrir en veðurguðirnir létu lítið finna fyrir sér í gær. Margar glæsilegar sýningar eru að venju í sýningarsölum bæjarins sem standa yfir alla helgina.

Mikið líf var í bænum fram eftir kvöldi og skemmti fólk sér konunglega.

Myndir frá kvöldinu má sjá hér að neðan og á ljósmyndavef Víkurfrétta hér.

Sossa og færeyska listakonan Birgit Kirke eru með sýningu í Duus húsum. Hér eru þær ásamt Gunnari Þórarsyni, konu hans og Loga Þormóðssyni.

Grindvíski þingmaðurinn Páll Valur Björnsson kíkti við ásamt konu sinni og barnabarni.

Þessar skemmtu sér vel í Kjarnanum.

Magnús Kjartansson og Sigurður Steinar Ketilsson rifjuðu upp gamla tíma úr Njarðvíkum í Duus húsum.

 

vf-myndir: Eyþór Sæmundsson