Maggi Eiríks og KK á tónleikum í Stapa
Tónlistarmennirnir Magnús Eiríksson og KK verða með tónleika í Stapanum í Njarðvík nk. föstudagskvöld, 10. október. Tónleikarnir byrja upp úr kl. 21 en miðasalan opnar í Stapa kl. 20:30. Hér leiða saman hesta sína, einir ástsælustu tónlistarmenn þjóðarinnar. Magnús Eiríksson og KK slá upp í tónleikaferðalag um landið í september. Tilefnið er nýútkominn geisladiskur þeirra "22 ferðalög" sem hefur selst í um 12.000 þús eintökum fram til þessa og stefnir í sölumet ef ferðalagið heldur svona áfram. Ferðalagið hófst í byrjun september. í Þórsmörk og stendur fram í október þar sem komið er aftur "inn á mölina". Með í för verður kvikmyndatökulið sem stendur að heimildamyndatöku um ferðina.
Stefnt er að því að frumsýna afrakstur þáttagerðar við þetta ferðalag í haust og verður án efa áhugavert að sjá hvað drífur á daga Magga og KK. Á disknum eru vel valin íslensk dægurlag sem öll eiga það sameiginlegt að vera í uppáhaldi hjá íslendingum við samkomur og ferðalög. Það skemmtilega er við diskinn er að inni í umslaginu má finna texta sem og gítargrip við lögin, þannig hægt er að grípa í gítarinn og taka undir hvenær sem er. Lög eins og "Ó Jósep, Jósep", "Kötukvæði" og "Viltu með mér vaka" liggja vel í höndum meistaranna og er alveg sérstök upplifun að heyra lögin flutt í þeirra útgáfu.Þeir félagar leituðu álits hjá Jónatan Garðarssyni á ríkisútvarpinu um lagaval þar sem tekið var mið af lagaspilun á ríkisútvarpinu í gegnum árin en beittu eigin innsæi og þekkingu sem gefist hefur af áralöngum ferli við ákvörðun. Þetta er fjórða platan sem vinirnir
