Miðvikudagur 29. desember 1999 kl. 22:33
MAÐUR VIKUNNAR ER BJÖRG SIGURÐARDÓTTIR LJÓSMÓÐIR
Nafn: Björg Sigurðardóttir Fædd, hvar og hvenær: Á Akureyri 9. september 1957 Stjörnumerki: Meyja Atvinna: Ljósmóðir. Laun: Þolanleg, en alltaf not fyrir meira. Maki: Jökull Einarsson. Börn: Sigurður Björgvin, Kristín Þóra og Lilja Björg. Bifreið: Ford Mondeo árgerð 1997. Besti bíll: Gamli rússinn hans pabba. Versti bíll: Er nokkur alslæmur ef hann gengur sæmilega. Uppáhaldsmatur: Nýrunnin bleikja úr Héraðsvötnum, soðin. Versti matur: Á eftir að prófa hann. Besti drykkur: Kalt vatn og gott kaffi. Skemmtilegast: Lesa góðar bækur, ferðast á fjöllum og vera í sveitinni. Leiðinlegast: Þegar ég nenni engu. Gæludýr: Kisa. Skemmtilegast í vinnunni: Þegar fólk sér að stærðin skiptir ekki máli. Leiðinlegast í vinnunni: Þegar ég kem úr sumarfríi og þessar „stóru” hafa sett það sem oftast þarf að nota upp á efstu hillur. Hvað kanntu best að meta í fari fólks: Skynsemi og samviskusemi. En verst: Fýlu. Draumastaðurinn: Sveitin okkar í Skagafirði. Uppáhalds líkamshluti á körlum: Hendur Fallegasti karl fyrir utan maka: Sonur minn. Spólan í tækinu: Barnamynd frá yngri dótturinni. Bókin á náttborðinu: Kular af degi, höfundur Kristín Marja Baldursdóttir og Refirnir á Hornströndum, höfundur Páll Hersteinsson. Uppáhalds blað/tímarit: Ekkert sem ég hef sérstakt uppáhaldsblað nema þá tengt vinnunni, en ég kaupi Moggann vegna fréttanna. Besti stjórnmálamaðurinn: Þeir eru nú frekar daprir flestir, en Össur Skarp. og Steingrímur J. eru þó á réttri leið, þeir eru líka skemmtilegir í tilsvörum. Uppáhalds sjónvarpsþáttur: Fréttir. Íþróttafélag: Það hefur enginn boðið nógu hátt. Uppáhalds skemmtistaður. Þar sem gott fólk safnast saman hverju sinni. Þægilegustu fötin: Sloppurinn heima og leikfimisfötin þegar þau eiga við. Framtíðaráform: Vera í vinnunni á nýársnótt og taka á móti fyrsta barninu á nýja árinu því að aldamótabarnið fæðist ekki fyrr en að ári. Spakmæli: Lifðu lífinu lifandi.
