Lýsistankarnir rifnir

Ásýndin við Suðurgarð og nágrenni í Grindavík mun breytast ansi mikið því nú er verið að rífa gömlu lýsistankana sem hafa staðið ónotaðir eftir brunann mikla í Fiskimjölsverksmiðjunni á þessu svæði fyrir um áratug síðan. Búið er að rífa tvo tanka af fjórum og mun verkinu ljúka í næstu viku. 

Fyrirtækið Hauktak á lóðina og er fyrirhuguð uppbygging á þessu atvinnusvæði við höfnina sem taka mun miklum breytingum eftir þetta, ekki síður eftir að landfyllingu við Suðurgarð lýkur. Spennandi tímar eru því framundan á þessu svæði.