Lömb í landnámsdýragarðinum

Landnámsdýragarðurinn við Víkingaheima í Reykjanesbæ opnaði um nýliðna helgi. Þangað eru komin fjölmörg dýr, stór og smá, sem gestir og gangandi geta notið að horfa á og í sumum tilvikum að klappa.

Í landnámsdýragarðinum eru komin lömb, kálfar, geitur með afkvæmi sín, hani, hænur, endur og kanínur, svo eitthvað sé nefnt.

Landnámsdýragarðurinn er opinn alla daga og er aðgangur ókeypis.