Ljósmyndasýningin Eldur og ís opin áfram

Ljósmyndsýningin Eldur og ís, sem opnuð var í Bíósal Duushúsa á Ljósanótt, hlaut góðar viðtökur og hefur verið ákveðið að hafa hana opna til sunnudagsins 19. september.
Á sýningunni sýnir ljósmyndarinn Ellert Grétarsson myndir frá ferðum sínum um undraheima íslenskra skriðjökla, útkulnaðar megineldstöðvar og forvitnileg eldvirk svæði í gosbelti Íslands en eldur og ís eru þau öfl sem mótað hafa jarðfræðiundrið Ísland í milljónir ára.
Sýningin er opin á opnunartíma Duushúsa. Opið er virka daga frá kl. 11:00 - 17:00 og um helgar frá kl. 13:00 - 17:00.