Lítið sofið á gistinótt í Fjörheimum
Fjöldi krakka kom saman í Fjörheimum á hinni árlegu gistinótt sem var haldin aðfararnótt laugardags. Um 60 unglingar komu sér fyrir á flatsæng sem var gerð á dansgólfinu og var ansi þröngt á þingi.
Það kom hins vegar ekki að sök því krakkarnir voru ekki að sofa mikið. Stanslaust fjör var alla nóttina, singstar, leikir, koddaslagur, vídeó, dans og forvarnir var það sem hæst bar, en kl. 8 um morguninn, þegar fæstir höfðu sofið nokkuð að ráði fóru krakkarnir að tínast heim í bælið.
