Listatorgið fær góðar viðtökur

Góð viðbrögð hafa verið við opnun Listatorgs í Sandgerði. Þar er opið alla daga frá kl. 13-17. Með Listatorgi hefur lista- og handverksfólk í Sandgerði sameinast undir eitt þak með góðri aðstöðu í húsnæði sem áður hýsti veitingastaðinn Mamma mía.

Þar er að finna mikið úrval af handverki til jóla- og tækisfærisgjafa, s.s. úr leir og gleri, skarti úr íslenskum steinum og silfri, postulín og lopapeysur, trémuni, kerti og málverk, svo eitthvað sé nefnt.