Leituðu að páskaeggjum í blíðunni

Árleg páskagleði var haldin á vegum foreldrafélagsins í leikskólanum Gimli sl. laugardag. Börnin leituðu að fagurmáluðum páskasteinum á útisvæði leikskólans og í staðin fengu þau gómsæt páskaegg með skemmtilegum málsháttum.   

 

Boðið var upp á veitingar sem seldar voru á vægu verði og rann ágóði sölunnar til foreldrafélagsins.  Þetta var hin ánægjulegsta fjölskylduskemmtun og gaman að sjá hvað margir sáu sér fært að koma, enda vor í lofti og veðurblíða.