Leifur Heppni sviðsettur í Háaleitisskóla

Leifur Heppni Eiríksson og félagar voru á sviði Háaleitisskóla á Ásbrú í morgun. Í dag er Dagur íslenskrar tungu haldinn hátíðlegur og börnin í Háaleitisskóla mættu öll á sal í morgun og lásu ljóð, sungu og horfðu á leiksýningu sem nemendur í 5. og 6. bekk skólans settu upp.

Leikverkið var um Leif Heppna og landafundi hans. Mikið var lagt í búninga og leikmuni og var heilt víkingaskip á sviðinu, auk þess sem settir voru upp heimasmíðaðir víkingahjálmar og sverð.

Meðfylgjandi myndir voru teknar í Háaleitisskóla á Ásbrú í morgun.

Börnin í skólanum fylgdust með af miklum áhuga.

Mikil vinna liggur í verkefni um Leif Heppna sem nú er á veggjum skólans.

Nemendur í 5. og 6. bekk í vígalegum víkingaklæðum og sumir með víkingahjálma á höfði.