Kvenfélagskonur í Vogum blóta þorra

Kvenfélagskonur í Fjólu í Vogum ætla að blóta þorrann nú um helgina með þorrablóti í Tjarnarsal Stóru Vogaskóla. Blótið verður haldið á laugardagskvöld þar sem Gísli Einarsson úr Landanum fer með veislustjórn. Boðið verður upp á heimatilbúin skemmtiatriði og þá mun hljómsveitin Bógus halda uppi stuði fram eftir nóttu.

Múlakaffi sér um þorramatinn og þeir sem ekki hafa tryggt sér miða geta haft samband við Guðrúnu í síma 898-6534 og Elsu Láru í síma 822-3572.