Konur óskast í kvennakór

Nú er vetrastarf Kvennakórs Suðurnesja að hefjast. Kórinn var stofnaður 22. febrúar 1968 og er því elsti starfandi kvennakór á landinu. Stjórnandi kórsins er Prímadonnan Dagný Þ. Jónsdóttir. Æft hefur verið á mánudögum og miðvikudögum frá kl. 8-10 í Safnaðarheimilinu í Innri-Njarðvík. En sú nýbreytni er í vetur að á mánudögum verður einkakennsla og raddæfingar en sam-æfingar á miðvikudögum. Oft er líf og fjör á æfingum sungið og trallað og eru konur á öllum aldri í kórnum. Ýmislegt er annað sér til gamans gert t.d. er ferð á haustin upp í sveit til að hrista kórinn saman. Í nóvember er komið saman í laufabrauðs-gerð til fjáröflunar og skemmtunar þar er alltaf mikil stemning og oft taka fjölskyldur kvennanna þátt í þessari uppákomu. Eina helgi í febrúar er farið í æfingarbúðir í Skálholt. Þar sem æfingum og skemmtun er blandað saman. Á síðasta ári var farið í söng og skemmtiferð til Ungverjalands. Stemmt er að því að fara í næstu ferð árið 2007. Við hvetjum konur á Suðurnesjum að koma og syngja með okkur. Nánari upplýsingar eru hjá formanni kórsins henni Helgu í síma 862-9519.