Keppandi í Útsvari fékk fjölda fingurbjarga með pósti

Lið Sandgerðis tapaði fyrir liði Akraness í spurningaþættinum Útsvari á RÚV síðasta föstudagskvöld. Úrslitin voru 61 stig gegn 74. Í kynningu í upphafi þáttar sagði Bylgja Baldursdóttir, keppandi í liði Sandgerðis, frá því að í kjölfar síðustu viðureignar Sandgerðis hafi hún fengið fjölda fingurbjarga sendar með pósti. Ástæðan er sú að þá sagði hún frá því að hún safni fingurbjörgum. Í kjölfarið sendi fólk víða um land henni fingurbjargir. Flestar komu frá konu á Sauðárkróki eða 180 stykki. Svo voru sendar ein, tvær og þrjár héðan og þaðan af landinu.