Keflvíska nammið kom Dorrit Moussaieff á óvart

Heitkonu forseta Íslands, Dorrit Moussaieff, var svo sannarlega komið á óvart við formlega opnun D-álmu Heilbrigðisstofnunar Suðurnesja í gær.Eftir löng ræðuhöld, sem Dorrit hlustaði á af miklum áhuga, kallaði Jóhann Einvarðsson, framkvæmdastjóri eftir óvæntri sendingu í salinn. Komið var með fjóra myndarlega sælgætis-jólakransa frá Lionessum í Keflavík og Dorrit fékk einn þeirra. Hún ljómaði af ánægju og þakkaði fyrir sig á íslensku - að sjálfsögðu.
Aðalbjörg Stefánsdóttir, 85 ára íbúi á Heilbrigðisstofnun Suðurnesja, fékk einnig sælgætiskrans og Jón Kristjánsson heilbrigðisráðherra þann þriðja. Ekki var getið um hvert fjórði kransinn átti að fara en fjölmargir gerðu tilkall til hans.