Karlar yfirtaka sundlaugina í Garði í kvöld
- og konurnar á morgun
Dagskrá Sólseturshátíðarinnar í Garði hefst í kvöld. Þá munu karlar yfirtaka sundlaugina í Garði en þar verður haldið karlakvöld sem hefst kl. 19:00.
Hilmar Jónsson grillar fisk fyrir karlana. Létt sundleikfimi verður með Dodda og flot með Gauju. Þá verður uppistand.
Á morgun, þriðjudagskvöld verður svo konukvöld í sundlauginni. Smáréttir verða í boði styrktaraðila Víðis. Létt sundleikfimi með Þurý og flot með Gauju. Brynja Valdís uppistandari skýrir málin, segir í dagskrá hátíðarinnar.
