Karlakórstónleikar í Njarðvík í kvöld
Karlakór keflavíkur heldur sína árlegu vortónleika um þessar mundir. Þegar hafa farið fram tónleikar í Grindavíkurkirkju en Karlakórinn verður í Ytri Njarðvíkurkirkju nú síðdegis, laugardaginn 3. apríl kl: 17.00 og Ytri Njarðvíkurkirkja miðvikudaginn 7. apríl kl: 20.00Stjórnandi kórsins er Vilberg Viggósson og undirleikari Ester Ólafsdóttir.
Annan undirleik annast Ásgeir Gunnarsson á Harmonikku, Þórólfur Þórsson á bassa og Páll Ólafsson á trommur. Einsöngvarar eru frændurnir Steinn Erlingsson, bariton og Davíð Ólafsson, bassi.
Að vanda er efnisskráin fjölbreytt með leikandi léttum lögum.
Karlakórinn þakkar öllum styrktar og velunnurum kórsins fyrir veittan stuðning. Karlakór Keflavíkur hefur haldið uppi reglulegu kórstarfi í hálfa öld,en kórinn fagnaði 50 ára afmæli sínu í lok síðasta árs með afmælistónleikum og fagnaði.
