Jarðvangsvika á Reykjanesi
- í annað sinn.
Jarðvangsvika stendur nú yfir á Reykjanesi og er þetta í annað sinn sem Reykjanes jarðvangur stendur fyrir slíkri viku. Sambærilegar vikur eru haldnar í öllum evrópskum jarðvöngum um þetta leyti, en þeir eru um 100 talsins. Markmið vikunnar er að bjóða upp á áhugaverða viðburði sem endurspegla náttúru og mannlíf á Reykjanesskaga.
Þannig verða m.a. í boði styttri og lengri gönguferðir, má þar nefna 100 gíga göngu með Ara Trausta Guðmundssyni og Rannveigu L. Garðarsdóttur á fimmtudaginn og gönguferð um gamla varnarliðssvæðið á Ásbrú á laugardag.
