Hrekkjavökufjör um helgina
Ógnvekjandi híbýli og skreytt fólk á ýmsum aldri.
Hrekkjavakan var víða haldin hátíðleg á landinu um síðastliðna helgi og virðist hátíðin vera búin að skipa stóran sess í menningu landans. Íbúar í Innri-Njarðvík hafa skipulagt sína hrekkjavöku á samheldinn hátt undanfarin ár og voru duglegir að taka myndir.
Eins og sjá má á myndunum eru híbýli oft mikið skreytt og mikið lagt í búninga og förðun. Skv. heimildum fréttamanns heppnaðist hátíðin afar vel og íbúar lukkulegir.
Víkurfréttir hvetja lesendur til að senda hrekkjavökumyndir í [email protected].
