Hjóla- og gönguæði hjá Grindavíkurbæ

Grindavíkurbær hefur gert hreyfisamninga við 45 starfsmenn til næstu fimm mánaða þar sem starfsmenn nýta sér vistvænar samgöngur eins og hjólreiðar eða göngu á leið til og frá vinnu og/eða til ferða á vegum vinnuveitanda. Hreyfisamningur 5000 á mánuði sem greiðist út mánaðarlega. Styrkur þessi er undanþeginn staðgreiðslu skv. reglum um skattmat vegna tekna manna tekjuárið 2014. Um tilraunaverkefni er að ræða í sumar.

Starfsfólk þarf að skila þarf inn hreyfidagbók til forstöðumanns í hverjum mánuði. Verkefnið fer vel af stað og er mikil ánægja ríkjandi meðal starfsfólks.

Í Grindavík eru kjöraðstæður fyrir starfsfólk að ganga eða hjóla til vinnu. Aðstæður í Grindavík eru þannig að tiltölulega stutt er á milli staða og ekki er miklum brekkum eða hæðum fyrir að fara. Mikið átak hefur verið unnið í gerð göngustíga, t.d. upp að Þorbirni, út í Þórkötlustaðahverfi og niður við höfn. Þessir stígar nýtast hjólreiðafólki jafn vel og þeim sem ganga sér til heilsubótar. Einnig hefur verið gert átak í því að auka öryggi í umferðinni og sérstaklega í kringum skólastofnanir og íþróttamannvirki. Allt er þetta liður í því að bæta umhverfis- og eða samgöngumál fyrir íbúa Grindavíkur.

Hjólað á milli stofnana bæjarins

Starfsfólki fjögurra stofnana hjá Grindavíkurbæ tækifæri til þess að fara á reiðhjóli á milli stofnana bæjarins þegar þeir þurfa að sinna erindum starfs síns vegna. Þetta er liður í því að hvetja starfsmenn til þess að leggja bílnum og nota hjól til að fara á milli staða. Vegalengdir á milli stofnanna Grindavíkurbæjar eru tiltölulega þægilegar fyrir þennan umhverfisvæna samgöngumála.  

Keypt hafa verið fjögur reiðhjól í þetta tilraunaverkefni. Skylda er að nota hjálm og vesti þegar farið er á milli stofnana og er hver einasta ferð skráð niður í dagbækur til að sjá hversu notkunin er mikil til að meta áframhaldið á verkefninu.

Mikil ánægja er á meðal starfsfólks viðkomandi stofnana með þetta umhverfisvæna verkefni.