Hjálpum Jóa að finna Bínu

Jóhann Rúnar Kristjánsson borðtenniskappi varð fyrir því óhappi í gær að tapa dísarpáfagauknum Bínu út í sumarblíðuna. Bína slapp út um glugga skömmu eftir hádegi í gær. Eins og flestir vita notast Jóhann Rúnar við hjólastól og á því erfitt um vik að fara um í leit sinni að Bínu. Það er því biðlað til íbúa í Innri Njarðvík að hafa augun hjá sér ef Bína hefur komið í heimsókn. Hún er hins vegar fljót í förum og gæti allt eins verið komin í önnur hverfi Reykjanesbæjar.

Bína er dísarpáfagaukur og mjög mannelsk. Hún hefur fengið að vera laus hjá Jóhanni og setið á öxlum hans öllum stundum. Hún var hins vegar mjög vel fleyg og góða veðrið í gær og fuglasöngurinn úti hefur heillað hana og því hélt hún á vit ævintýra og ratar ekki heim.

Bína er grá með rauðar kinnar. Hún á heima á Akurbraut 18 í Innri Njarðvík og síminn hjá Jóhanni er 893 8947. Nú fara allir út að leita af Bínu og koma henni heim til sín, enda sárt saknað.