Gulli Helga og Tvíhöfði á Kananum

Útvarpsmaðurinn kunni, Gulli Helga, verður með morgunþáttinn milli kl. 9-12 á Kananum FM 91,9 sem hefur útsendingar frá höfuðstöðvunum á Ásbrú í Reykjanesbæ um næstu mánaðamót. Þetta kemur fram á Facebook-síðu nýju útvarpsstöðvarinnar.

Þar kemur einnig fram að þeir Tvíhöfðafélagar, Sigurjón Kjartansson og Jón Gnarr, hafa samið við Kanann og mæta gallharðir í útsendingu þann 5. September nk.

Áður hefur komið fram í fréttum að Kaninn FM 91,9 hefur samið við „landslið“ útvarpsfólks sem mun leggja stöðinni lið.