Gott að eiga eina jólagjöf eftir á Þorláksmessu

Jóhann Sævar Kristbergsson, verkefnastjóri hjá Brunavörnum Suðurnesja, segist gæta hófsemi þegar kemur að jólaskreytingum.

– Ertu mikið jólabarn?

„Ég get ekki sagt að ég sé neitt svaka jólabarn en gleðst yfir hátíðleikanum.“

– Fóru jólaljósin fyrr upp í ár en í fyrra?

„Já, ekki er hægt að segja annað. Þau voru sett upp í ágætis veðri.“

– Skreytir þú heimilið mikið?

„Við gætum hófsemi í þessu máli.“

– Áttu einhverja sérstaka minningu frá jólum?

„Nei, ekki nema hvað það er alltaf hátíðlegt.“

– Hvað er ómissandi á jólum?

„Hangikjöt og samvera.“

– Hvað finnst þér skemmtilegast um jólahátíðina?

„Að vera með fólkinu mínu og frídagar.“

– Bakar þú fyrir jólin og hvað þá helst?

„Nei, frúin sér um það ágæti.“

– Hvenær klárar þú að kaupa jólagjafirnar?

„Það er voða gott að klára þau sem fyrst en svo er gott að eiga eina eftir á Þorlák.“

– Hvenær setjið þið upp jólatré?

„Setti það upp lengi vel á Þorlák en í seinni tíð hefur það farið upp um miðjan desember.“

– Eftirminnilegasta jólagjöfin?

„Kassagítar þegar ég var tólf ára.“

– Hvenær eru jólin komin fyrir þér?

„Þegar jólasálmar fara að hljóma.“

– Hefurðu sótt messu um jólahátíðirnar í gegnum tíðina?

„Hef svo sem engar hetjusögur um messuheimsóknir en samt þá hef ég sótt messur um hátíðarnar.“