Gamlar flugvélarúður fengu nýtt hlutverk

Gamlar flugvélarúður fengu nýtt og göfugt hluverk í vikunni þegar nemendur Myllubakkaskóla máluðu á þær fallegar jólamyndir.  Rúðunum átti að henda en einn starfsmaður skólans var á réttum stað á réttum tíma. Tókst honum að bjarga rúðunum frá gapandi gini glatkistunnar og koma þeim í til myndmenntakennarans.
Nemendur undu sér sér vel við að mála á þennan skemmtilega efnivið og eflaust eiga rúðurnar eftir að sóma sér vel í jólaskreytingum skólans á aðventunni. Nemendum Myllubakkaskóla er greinilega margt til lista lagt í þeim efnum eins og afar fallegar gluggaskreytingar skólans í desember hafa borið glöggt vitni um.

Myndirnar fengum við lánaðar af vef skólans.