Gáfu kross efst á turnspíru kirkjunnar

Við guðþjónustu í Ytri-Njarðvíkurkirkju þann 2. febrúar afhenti Jón Benedikt Georgsson og börn hans formlega kross þann sem stendur efst á turnspíru kirkjunnar. Ingólfur Bárðarson formaður sóknarnefndar tók við gjöfinni og þakkaði gefendum. Sr. Baldur Rafn Sigurðsson sóknarprestur helgaði síðan krossinn, en hann er gefinn í minningu um foreldra Jóns, Georg E. P. Pétursson, Guðrúnu Magnúsdóttur frá Brekku Ytri-Njarðvík, systur hans Guðríði Elínu Georgsdóttur og konu hans Sigríði Jónsdóttur frá Ólafsfirði.Krossinn teiknaði arkitekt kirkjunnar Ormar Þór Guðmundsson og smíði hans annaðist Vélaverkstæði Sverre Stengrímsen. Hönnun lýsingar var í höndum G.H. ljósa á Garðatorgi í Garðabæ. Gestum var síðan boðið að þiggja veitingar.

Frétt frá sóknarnefnd Ytri Njarðvíkurkirkju.