FS og Verzló deila um lágmenningu í MORFÍS

Í kvöld mætast FS og Verzló í undanúrslitum MORFÍS. Umræðuefni kvöldsins er lágmenning þar sem FS er með og Verzló á móti. Víkurfréttir tóku hús á liði FS og forvitnaðist um þessa rúmlega 30 ára mælsku- og rökræðukeppni framhaldsskóla á Íslandi. Keppendur eru kynntir til sögunnar í myndbandinu hér að neðan og þjálfarinn Arnar Már Eyfells er tekinn tali þar sem hann tjáir sig um keppni kvöldins, Verzló og lágmenningu.

„Við erum jú Suðurnesjafólk og það býður upp á mikið grin, sérstaklega þegar þú ert með svona háklassa skóla úr Reykjavíkinni. Það verður bara fyndið held ég,“ segir Arnar m.a. í spjallinu.

Keppnin hefst klukkan 19:30 í sal Verslunarskólans og verða farnar rútuferðir frá FS 18:30.

#fsrealtalk #eyfellsdætur