Föstutónleikaröðin: Leyndardómur trúarinnar
Á öskudag hófst „Föstutónleikaröðin: Leyndardómur trúarinnar" í Grindavíkurkirkju. Um er að ræða 6 tónleika á miðvikudagskvöldum kl.20: 17.febrúar, 24. febrúar, 3. mars, 10. mars, 17. mars og 24.mars.
Meðal flytjenda verða: Eyþór Ingi Jónsson, Hörður Áskelsson og Inga Rós Ingólfsdóttir, Guðný Einarsdóttir, Guðmundur Sigurðsson og Gunnar Gunnarsson, Sigrún Magna Þórsteinsdóttir og Björn Steinar Sólbergsson.
Áhersla er lögð á að tengja tónlistina við trúarlegt inntak föstutímans með því að flytjendur útskýra tengslin fyrir áheyrendum á auðskiljanlegan hátt. Að auki verður einn passíusálmur Hallgríms Péturssonar tekinn fyrir á hverjum tónleikum.
Tónleikarnir hefjast kl. 20 og aðgöngueyrir er 1000 kr. og er innheimtur svo að tónleikaröðin geti staðið undir sér í framtíðinni. Tónleikaröðin hlaut styrk frá Menningarráði Suðurnesja.
Miðvikudaginn 3. mars verða flytjendur Sönghópurinn Kordía, undir stjórn Guðnýjar Einarsdóttur organista, Elfa Dröfn Stefánsdóttir mezzó-sópran, Ásdís Arnalds sópran og Ástríður Alda Sigurðardóttir píanóleikari. Flutt verða verk eftir m.a. Gabriel Fauré og J.S. Bach.
Næstu tónleikar:
3. mars kl. 20:00. „Föstutónleikaröðin: Leyndardómur trúarinnar”. Sönghópurinn Kordía undir stjórn Guðnýjar Einarsdóttur organista, Elfa Dröfn Stefánsdóttir mezzó-sópran, Ásdís Arnalds sópran og Ástríður Alda Sigurðardóttir píanó. Flutt verða verk eftir m.a. Gabriel Fauré og J.S. Bach.
10.mars kl.20:00. „Föstutónleikaröðin: Leyndardómur trúarinnar”. Guðmundur Sigurðsson organisti og Gunnar Gunnarsson flautuleikari leika verk eftir Otto Olsson, Otar Taktakishvili, J. S. Bach og Albinoni.
17. mars kl. 20:00. „Föstutónleikaröðin: Leyndardómur trúarinnar”. Sigrún Magna Þórsteinsdóttir organisti leikur tónlist eftir Mendelssohn, Samuel Scheidt og fleiri.
24.mars kl. 20:00. „Föstutónleikaröðin: Leyndardómur trúarinnar”. Björn Steinar Sólbergsson organisti leikur verk eftir Johann Sebastian Bach, Dietrich Buxtehude, Páll Ísólfsson og Felix Mendelssohn-Bartholdy.
Aðgangseyrir er 1000 kr.
Nánari upplýsingar á grindavik.is
