Fjölskyldumessa í Duushúsum
-Kirkjan mín, kirkjan þín, kirkjan okkar allra
Keflavíkurkirkja hélt fjölskyldumessu í Bíósal Duushúsa sl. sunnudag en þar stendur nú yfir sýningin Kirkjan mín, kirkjan þín, kirkjan okkar allra í tilefni af 100 ára afmæli Keflavíkurkirkju.
Gestir tylltu sér m.a. í fyrrum kirkjubekki kirkjunnar og börnin létu sér vel líka á þessum óvenjulega stað, "skrítin kirkja", varð einu að orði en það gleymdist fljótt þegar guðsþjónustan hófst.
Sólmundur Friðriksson leiddi sönginn undir gítartónum og sunnudagskólaleiðtoganir Anna Hulda og Esther Elín stýrðu stundinni ásamt sr. Erlu Guðmundsdóttur.
