Fjölbreytt þrettándagleði í Vogum

Fjölbreytt þrettándagleði verður í Vogum á sunnudaginn. Val á íþróttamanni ársins verður tilkynnt þann 6. janúar í íþróttamiðstöðinni kl 16:00.

Kyndlaganga ásamt kóngi og drottningu í broddi fylkingar, hefst við félagsmiðstöð kl 18:00.

Flugeldasýning á vegum Björgunarsveitarinnar Skyggnis verður við brennuna.

Eftir flugeldasýninguna höldum við í Tjarnarsalinn, þar sem verður smá gleði, sungið og dansað.

Boðið verður uppá andlitsmálun fyrir yngri krakkana í félagsmiðstöðinni frá klukkan 16:30-17:45.