Fimmta Aftan festivalið heppnaðist vel

Fimmta Aftan festivalið fór fram á Mamma Mía í Sandgerði síðasta fimmtudag. Á dagskrá voru þrjú tónlistaratriði og brotið var blað í sögu Aftan festivalanna.

Fyrstir voru gítarleikararnir Guðmundur Hallvarðsson og Vilhjálmur Skúlason og fluttu þeir nokkur gítarverk með glæsibrag. Þeir eru fyrstu klassísku tónlistarmennirnir sem koma fram á Aftan festivali.

Önnur í röðinni var Sigurbjörg Hjálmars sem söng nokkur lög með aðstoð Halla Valla. Sigurbjörg hefur sjaldan verið betri, geislaði af öryggi og ánægju á sviðinu.

Síðastur á sviðið var Ingi Þór, nýkominn heim úr hljóðversnámi í Manchester á Englandi. Fyrsta lagið hans var &#8220Ingimar&#8221, sem er að finna á plötunni Aftan festival 1, og voru áhorfendur strax vel með á nótunum. Ingi Þór var góður lokahnykkur á skemmtilegu kvöldi.