Fengu stóla að gjöf frá Byko

Þroskahjálp á Suðurnesjum fékk góða gjöf á dögunum þegar Byko í Reykjanesbæ afhenti þeim þrjá skrifborðsstóla.
Gjöfin mun eflaust koma sér vel því að skjólstæðingar Þroskahjálpar notast sífellt meira við tölvur í leik og starfi, og kunnu aðstandendur Þroskahjálpar bestu þakkir.

Á myndinni eru Sæunn Guðrún Gunnarsdóttir, forstöðuþroskaþjálfi, Bergur Edgar Kristinsson, Víðir Atli Ólafsson, verslunarstjóri, Sveinbjörg Sigurðardóttir og Theodór Guðbergsson.

Vf-Mynd/Þorgils