Fegurð og frumleiki hatta á púttvellinum

Það var sannkölluð hattagleði á púttvellinum á Mánaflöt sl. föstudag í sól og stilltu veðri. Þar eru reglulega haldin púttmót á vegum Púttklúbbs Suðurnesja en nú var það ekki skorið sem gilti, heldur fegurð og frumleiki hattanna.

Höggin voru talin í púttkeppninni en á sama tíma var dómnefnd að störfum sem valdi „Hattadrottningu“ og „Hattakóng“ dagsins. Að lokinni keppni buðu svo Eydís og Hafsteinn upp á kaffi og meðlæti.

Nánar í Víkurfréttum á morgun.