Buxur, vesti, brók og skó

Segja má að snemma beygist krókurinn en Jónas Hallgrímsson skáld er sagður hafa verið fjögurra ára þegar hann kvað þessa sígildu vísu fyrir um 200 árum:

Buxur, vesti, brók og skó,

bætta sokka nýta,

Húfutetur, hálsklút þó

háleistana hvíta.

Nemendur í 3. bekk í Grunnskóla Grindavíkur unnu myndrænt verkefni við vísuna á Degi íslenskrar tungu. Skemmtilega útfærslu þeirra má sjá  fyrir framan stofur þeirra í Hópsskóla.  Blátt var litur dagsins enda Íslendingar  að etja kappi við Króatíu  og íslenski fáninn sást á rjóðum kinnum nemenda og kennara.  Það voru svo  Didda og Telma í Skólaselinu sem buðu upp á andlitsmálun við miklar vinsældir.