Bóbi lagði blómsveig að minnismerki sjómanna
Guðmundur Garðarsson, fyrrverandi skipstjóri, lagði blómsveig við minnismerki sjómanna að lokinni sjómannamessu í bíósal Duus húsa á sjómannadaginn í Reykjanesbæ.
Blómsveigurinn er frá VSFK og Vísi, félagi skipstjórnarmanna á Suðurnesjum. Það er gömul hefð að útnefna einhvern einstakling til að gera þetta og fékk Guðmundur, eða Bóbi, heiðurinn í ár.
Svartur sjór! Guðmundur Garðarsson var í eldlínunni á sjónum í mörg ár. Hilmar Bragi, þá 22 ára blaðamaður á Víkurfréttum fór í stuttan loðnutúr þegar loðna mokveiddist utan við Suðurnesin.
Sr. Brynja Þorsteinsdóttir, prestur í Njarðvíkursókn stýrði messu og athöfninni við sjómannamerkið. Félagar úr kór Njarðvíkurkirkju leiddu söng við undirspil og stjórn Rafns Hlíðkvists Björgvinssonar organista. Eftir messu og lagningu blómsveigs var bauð Sigurjónsbakarí upp á kaffi og kleinur.
