Blái herinn fær umhverfisverðlaun UMFÍ og Pokasjóðs 2005

Ungmennafélag Íslands og Pokasjóður úthluta árlega sérstakri viðurkenningu, Umhverfisverðlaunum UMFÍ og Pokasjóðs. Að þessu sinni er það Blái herinn í Reykjanesbæ sem verður þessa heiðurs aðnjótandi og hlýtur viðurkenninguna fyrir brautryðjandastarf við hreinsun í höfnum landsins. Umhverfisráðherra mun afhenda verðlaunin fyrir hönd UMFÍ og Pokasjóðs nk. miðvikudag.

Tómas Knútsson, talsmaður Bláa hersins, var kjörinn maður ársins 2004 af Víkurfréttum í byrjun þessa árs.

Mynd: Tómas Knútsson, kafari og talsmaður Bláa hersins. VF-mynd: Jóhannes Kr. Kristjánsson