Ætla að styrkja Rauða krossinn
Þau Jóhann G. Blöndal og Sigríður Eydís Gísladóttir höfðu nóg fyrir stafni þegar blaðamaður Víkurfrétta gaf sig á tal við þau utan við Kasko í Reykjanesbæ. Jóhann og Sigríður eru að safna fé fyrir Rauða kross Íslands með því að halda tombólu.
„Þetta hefur bara gengið vel,“ sagði Jóhann en hann vill að peningarnir sem hann og Sigríður munu gefa Rauða krossinum renni til fátækra barna úti í heimi.
