AÐVENTUSVEIFLA Í KEFLAVÍKURKIRKJU

Til margra ára hafa verið tónlistarkvöld í Keflavíkurkirkju fyrstu þrjá sunnudaga aðventunnar. Sunnudagskvöldið 28. nóvember verður að venju aðventusveifla í Keflavíkurkirkja kl. 20:30. Fram koma söngvararnir Rúnar Júlíusson, Einar Júlíusson, María Baldursdóttir, Ólöf Einarsdóttir, Birta Rós Sigurjónsdóttir og Einar Örn Einarsson. Hljófæraleik annast poppband Keflavíkurkirkju, Guðmundur Ingólfsson, Baldur J. Jósefsson, Þórólfur Ingi Þórsson og Einar Örn Einarsson. Einnig koma fram Þórir Baldursson og Baldur Þórir Guðmundsson. Hugvekju annast Sigfús B. Ingvason. Í lok stundarinnar verður sungið við kertaljós.