Á heilan bústofn

Suðurnesjamaður vikunnar er Ríta Kristín Haraldsdóttir Prigge sem leikur Rauðhettu í uppfærslu Leikfélags Keflavíkur. Ríta er á þriðja ári í Fjölbrautaskóla Suðurnesja og er á myndlistarbraut. Hún vinnur í afleysingum hjá Reykjavík Excursions, stundar líkamsrækt og er professional Netflix áhorfandi.

Nafn: Ríta Kristín Haraldsdóttir Prigge.

Aldur: 18 ára

Fjölskylda: Foreldrarnir heita Haraldur Valbergsson og Þóra Björg Einisdóttir. Bróðirinn Gustav Helgi Haraldsson er einnig í Leikfélagi Keflavíkur.

 

Áhugamál: Leiklist, skíði, hestamennska, að versla, ferðast, vera með vinum og fjölskyldu.

 

Leyndur hæfileiki: Ég er góð að teikna og er á myndlistarbraut.

 

Fyrsta bernskuminningin: Þegar ég var fjögurra ára í silkináttkjól af mömmu, með perlurnar hennar og í prinsessu hælaskóm að syngja með Grease.

 

Uppáhalds nammi: Bland í poka.

 

Uppáhalds bækur: Hunger games.

Gæludýr: Á tvo hunda, hesta, kindur og hænur, sem sagt heilan bústofn.

Fallegasta náttúruperla á Suðurnesjum: Bergið.