Vinnur Keflavík fjórtánda leikinn í röð?
Fjórtánda umferðin í Dominos-deild kvenna hefst í kvöld með þremur leikjum. Suðurnesjaliðin Keflavík og Grindavík eiga leiki í kvöld. Keflavík getur haldið áfram sigurgöngu sinni í deildinni en liðið hefur unnið alla þrettán leiki sína til þessa í deildinni. Keflavík mætir Fjölni á útivelli í Grafarvogi. Leikurinn verður í beinni útsendingu á SportTV.is.
Grindavíkurstúlkur fara á sama tíma í heimsókn í Hafnarfjörðinn og leika gegn Haukum. Njarðvík leikur á útivelli gegn Val á laugardag. Leikir kvöldsins hefjast kl. 19:15. Bein tölfræðilýsing verður einnig frá leikjunum.
Staðan í Dominos-deild kvenna:
1. Keflavík 13/0 26
2. Snæfell 10/3 20
3. KR 9/4 18
4. Valur 6/7 12
5. Haukar 5/8 10
6. Grindavík 4/9 8
7. Njarðvík 3/10 6
8. Fjölnir 2/11 4
