Vignir gefur út sína fyrstu ljóðabók

Vogamaðurinn Vignir Már Eiðsson gefur út sína fyrstu ljóðabók á morgun en útgáfuteiti verður haldið í tilefni þess í Álfagerði í Vogum. Nafnið á bókinni verður opinberað á morgun en Vignir mun þá einnig lesa úr bókinni fyrir gesti.

Þess má geta að Vignir var sá fyrsti til að hljóta nafnbótina „Íþróttamaður ársins“ í Vogum, en það var árið 1994.

Útgáfuteitið hefst kl. 20 og stendur til 23 og er opið öllum. Þá geta þeir sem vilja keypt ljóðabókina á staðnum.