Víðismenn töpuðu fyrir toppliði Vestra
Víðismenn töpuðu fyrir Vestra í 2. deild Íslandsmótsins í knattspyrnu í gær en leikurinn fór fram á Ísafirði.
Heimamenn komust yfir á 32. mínútu en Víðismenn jöfnuðu á 75. mínútu með marki frá Mehdi Hadraoui.
Allt stefndi í jafntefli en heimamenn í Vestra skoruðu sigurmark sitt þegar fjórar mínútur voru liðnar af uppbótartíma í síðari hálfleik.
Þegar átján umferðir hafa verið spilaðar eru Víðismenn í 4. sæti deildarinnar með 29 stig. Vestri er á toppnum með 36 stig.
Á morgun fer svo fram síðasti leikurinn í átjándu umferð þegar Þróttur Vogum tekur á móti Tindastóli. Þróttur er í 6. sæti deildarinnar með 26 stig en Tindastóll í botnsætinu.
