Víðir mætir FH í bikarnum

Víðir úr Garði fær svo sannarlega verðugt verkefni í Visa-Bikar karla í knattspyrnu þegar þeir mæta Íslandsmeisturum FH í 32-liða úrslitum.

Þrjú önnur Suðurnesjalið eru enn með í keppninni, bikarmeistarar Keflavíkur sækja Fjölni heim, Njarðvík fær Völsung í heimsókn og Stjarnan og Grindavík mætast á Stjörnuvelli.

Njarðvíkurleikurinn verður á sunnudaginn 19. júní, en hinir leikirnir fara fram daginn eftir.